Transcription
1
Messeigneurs, je vous avoys escript dernierement, et à
2
monseigneur de Gordes, les preparatives que ceulx de la
3
relligion faisoyent à Chorges, et coment ilz estoyent
4
sept ou huict cens homes preparez à partir aux Valées
5
d’Engrongne, de la Peruse, St Martin et Pragella ;
6
et croy que maintenent, ilz ne manqueront de sy
7
mectre en campaigne, si ainsi est que Montbrun
8
soit devant Ambrun avec XV c[ent] homes comme lon
9
ma escript, où sil ne peult venir à son deseing
10
pour le prandre, pour le moingz sasseurent de
11
Briançon pour estre le lieu foible et mal garni de
12
gens de guerre faisantz estat, ainsi qung de
13
leur relligion ma dit, de le sacaiger et se
14
retirer par le Bourg d’Oysans, apprès avoir
15
composé et pillé toutes ses valées ; disant
16
encores que silz estoyent pressez du cousté de della,
17
quilz se randront en ceste valée pour massieger
18
seans, quest la cause que je vous veulx supplier
19
humblement, messeigneurs, quil vous plaise me
20
mander pouvoir de y fère mectre afforce
21
vivres en qualité quilz se rendront si
22
la necessité ne se presente de les y despendre.
23
Sur ce, priant le Createur,
24
messeigneurs, vous donner en bonne prosperité, très longue
25
et très heureuse vie. D’exilles, ce XXVIe febvrier 1574.
26
27
Ung des leurs qui ma tousiours faict bon office pour madvertir votre très humble
28
vient darriver pour me dire quilz prestendent quelque secours et plus obeyssant
29
[déchiré] scavoir II mil homes et quelques chevaulx si nous navons la paix serviteur lacasette.